Livre d’Hermès : que toutes choses sont oeuvre de fatalité

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et que toutes sont oeuvre de fatalité.

Traduction par Cristale :

Que toutes choses sont oeuvre de fatalité.

fatalité, mon filz, sans laquelle ne peult estre aucune chose corporelle, ne pareillement estre faict bien ou mal. Et est de Dieu ordonné que celuy qui commet quelque chose deshonneste, la souffre et endure. Laquelle il a commis toutesfois, à fin d’endurer par cela, tout ce qu’il souffre apres la perpetration du faict.

Or quant à ceste fatalle destinée, et supplices que doivent endurer tous ceux qui delinquêt, nous en avons ailleurs traicté, parquoy nous supercederons à present d’en parler d’avantage.

Mais maintenant nostre intention est, de traicter de l’entendement : cest à sçavoir qu’elle puissance il a, et combien est son instinct es hommes different des bestes brutes. Et comme il ne leur faict telle grace qu’aux hommes, en ce qu’il retrenche l’impetuosité de leur libidinité, et restrainct l’ardeur de leurs courroux. Dont ensuyt par cela qu’entre les homes aucuns sont raisonnables, les autres non, selon qu’ilz refrenent telles passions.

Tous hommes doncques sont à trois choses subiectz, à fatalle destinée, à generation, et changement. Car defaict aussi le commencement et fin de fatalité, sont ces deux cy, sçavoir est, genration, et changement. Tous hommes aussi souffrent ce qu’ordonne fatalité. Ceux neantmoins qui usent de raison, sçavoir ceux aux quelz (comme avons dit au dessus) entendement domine comme leur