Livre d’Hermès : qu’est-ce que la mort

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et qu’est-ce que la mort.

Traduction par Cristale :

Qu’est-ce que la mort.

Estre compris de l’imperfect : et ce qui est eternel, mal aysément se conioinct avecques le temporel. Car cestuy passe à quelquefois, et l’autre est tousiours en soy et de soy permanent. Aussi que le temporel est adumbré de l’imagination, et l’eternele est et consiste à la verité.

Or y a il autant de difference de l’imbecille au fort, et de l’inférieur au superieur, qu’il y a d’une chose mortelle à la divine. De sorte que l’intervalle qui est entre ces choses cy obscure, et esblouist la vision de la beauté. Et par ainsi les choses corporelles peuvent estre apprehendées des yeux, et les visibles estre prononcées de langue humaine : mais ce qui est incorporel, invisible, et sans aucune figure, et qui ne consiste de la matiere, ne peult estre cogneu ny apperceu par noz sens. Parquoy, mon filz Tatius, i’entends, ientends dy-ie, Dieu estre une chose, qui ne se peult dire, ne declarer.

LE MESME.

Que c’est que Mort.

Or fault il maintenât dire quelque chose de la mort. Car d’elle, comme de quelque grand mal, sont plusieurs troublez, au moyen qu’ilz ignorêt que cest. La mort doncques n’est autre chose,