Livre d’Hermès : les illusions diaboliques.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et les illusions diaboliques.

Traduction par Cristale :

Les illusions diaboliques.

iusques ou tu as deffiance que les statues ne soiêt animées, pleines de sens et d’esprit, et qu’elles ne facent telz et si grande merveilles qu’elles font ? Qu’elles n’ayent la cognoissance des choses à l’advenir, les predisant par songes, et plusieurs autres indices et advertissements ?

Qu’elles finablement n’envoyent foyblesse [1] et maladie aux hommes selon leurs demerites, et ne les guerissent puis apres ? Ignores-tu Asclepe, que Egypte ne soit l’image du ciel, ou (qui est plus veritable) la descente de tout ce qui est regy, et se faict au ciel ?

Et si nous voulons encore plus apertement parler, nous pourrons franchement dire, que la terre ou nous habitons est le temple de tout le monde. Ce neantmoins par ce qu’il fault que gens prudens et sages, sçachent les choses premier qu’elles se facent, il ne fault pas que vous ignoriez ce que ie veux inferer. Il viendra un temps par cy apres auquel aparoistra les Egyptiens avoir gardé pour neant divinité, d’un si entier et parfaict vouloir, et avecques si religieuse affection qu’ilz font, et on fait par le passé. De maniere que toute leur saincte invocation et reverence faite aux dieux, reduite à rien, descherra de son attente, à l’occasion que divinité retournera à son premier domicille, qui est le ciel.

Et ainsi sera Egypte delaissée, et la terre laquelle a esté le siege consacré à divinité, sera privée de tout honneur et