Livre d’Hermès : les dieux d’amour

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et les dieux d’amour.

Traduction par Cristale :

Les dieux d’amour.

ou (ce qui est plus veritable) une unité incomprehensible, laquelle peult on droictement appeler Cupido, ou Venus, ou tous les deux ensemble.

Il convient doncques par ce poinct entendre et retenir en l’esprit plus veritablement et clerement que le vray, estre icy l’office et devoir de procréer son semblable, inventé et attribué à tous à perpetuité par le hault et souverain Dieu de nature, en plantant et enracinant en eux une extreme charité, une loye, une gayeté, un vouloir et amour divin.

Ce que nous declarerions volontiers, sçavoir est, combien grande est la vertu et puissance de ce devoir de nature, n’estoit que ie sçay que chaun en y prenant advis, le peut assez cognoistre du profond des sens. Car si tu prends garde à cest article de temps que la semence generative descend du cerveau, comme l’une et l’autre nature s’espand en l’une et l’autre generation, tu apperçoys aussi comme l’une reçoit affectueusement, et de grande ardeur, la semence de l’autre, et la cache interieurement.

Finablement comme en cest article de temps par la commistion et meslée mutuelle, les femmes ravissent la force des masles, dont puis apres se lassent et s’apesantissent par ce moyen. L’effect doncques de ce tant doulx, et necessaire debvoir, se faict occultement, de peur que les imperites, et qui sont sans sçavoir et experience se mocquans, la divinité de l’une et