Livre d’Hermès : le défaut des éléments.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et le défaut des éléments.

Traduction par Cristale :

Le défaut des éléments.

entendement. Et seront establies nouvelles ordonnaces, coustumes, et ceremonies, avecques une nouvelle loy, pour punir ceux qui feront ce que dessus. Il ne sera ouy, receu, ne creu, aucune chose sainte touchant le ciel, ou de ce qui est en iceluy.

Il se fera pareillement une separation pitoyable, et estrangemêt douloureux des dieux d’avecques les hommes, et seulement les malings espritz avecques eux demeureront. Lesquelz meslez avecques humanité, contraindront les poures miserables à toute outrecuydance, presomption, orgueil, et temerité : et leur prestant la main, les inciteront à se combatre, rapiner, et decevoir les uns les autres.

Finablement à tout ce qui est à la nature des ames contraire. Alors ne consistera la terre en son poix et mesure, ny ne persevera en sa production accoustumée.

On ne pourra aussi semblablement singler ( ?) sur mer en aucune maniere : ny ne se maintiendra le ciel, selon le cours des astres, ny le cours et revolution des planettes pourra en soy consister. On n’osera pareillement tenir propos de Dieu, ne de sa divinité, pour l’urgente necessité, qui sera lors de se taire. Le fruict de la terre, se corrompra, et n’apporera tant que de coustume. L’air defaillera de sa vigueur, et deviendra moindre qu’au paravant par une endormisson triste et langoureuse. Adonc avieillira le monde totallement. La vieillesse duquel fera