Livre d’Hermès : la damnation des iniques.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et la damnation des iniques.

Traduction par Cristale :

La damnation des iniques.

Monde, ne pourront iamais retourner lassus au ciel : ainçois leur est de Dieu ordonné une demeure et habitation orde, et sale, et indigne d’une saincte ame, autre part. Ou certes convient dire et conclure, selon le discours et pretendu de vostre propos, o Trismegiste, qu’il y a quelques ames, lesquelles en ceste mortelle vie sont en danger de deschoir, et estre frustrées de l’attente de future eternité, et beatitude.

Ce que nonobstant, est à aucune incredible, envers les autres fabuleux, les autres paraventure le tournent à mocquerie. Tant est doux et mayable le fruict, que l’on prend en ce que l’on possede en ceste vie corporelle. Ce qui est la cause que malignité sur immortalité enuyeuse, detient l’ame le col (par maniere de dire) si fort de travers, qu’elle detenuüe de sa partie mortelle, ne luy est permis vor ne cognoistre, celle qui es divine.

Car i’oseroys dire (quais devinant ce que doit advenir) qu’il n’y aura par cy apres, aucun esgard entre les humains de vraye et simple philosophie, sans qu’il n’y ayt en elle, quelque simulation entremeslée.

Laquelle philosophie certes, n’est autre chose, qu’une assidue et continuëlle intendence à divine cognoissance, saincte religion, et amour de Dieu. Car plusieurs sont des a present, qui en diverses sortes la confondent. Mais à ce propos ie vousisse bien sçavoir, o Trismegiste, comment se faict