Livre d’Hermès : la crainte de Dieu

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et la crainte de Dieu.

Traduction par Cristale :

La crainte de Dieu.

l’autre nature fust contraincte avoir honte de la mixtion du sexe. Et beaucoup d’avantage s’il advenoit estre submise à la veuë de gens qui ne sont conte de religion, et qui n’ont conscience, ne la crainte de Dieu, devant les yeux.

Desquelz certes il en est un nombre infiny : au contraire peu aymans l’honneur de Dieu : de maniere qu’on les pourroit aisément conter en ce monde, tant est rare le nombre des gens de bien. Ce qui est cause que malice faict demeure en plusieurs, par default de sçavoir les causes de toute chose.

Car par la pourvoyâce de Dieu, ou de divine religion, par laquelle ont esté faites et ordonnées toutes choses, s’engêdre es cueurs des hommes, et provient le mespris et remede côtre tous vices de ce môde. Mais lors que ignorance, et faulte d’experience et sçavoir perseverent, tous vices pareillement acccroissent de plus en plus, et navrent finablèment l’ame d’insanables corruptions, et meschancetez infinies. Laquelle estant d’elles infectionnée et corrompuë, s’enfle comme de quelques veneneuses poisons : fors celles de ceux, qui la medicamentent par l’onguent de discipline et sçavoir.

Si doncques cecy peult prouffiter à quelques gens de bien, si peu qu’il y en a, sçavoir est pourquoy a voulu Dieu seulement ottroyer aux hommes sur toutes les creatures de ce monde, intelligence et discipline, ie suis d’advis de le poursuyvre,