Livre d’Hermès : la Vision corporelle et spirituelle

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et la vision corporelle et spirituelle.

Traduction par Cristale :

La Vision corporelle et spirituelle.

à moy demonstré. C’est un mystere, mon filz, qui ne se doit facilement enseigner, ny temererement publier. Parquoy aprends le, et le voy evidemment, par l’apparence de cest element qui vient d’estre formé : par lequel ce mystere se peult voir aysément, et oculairement se cognoistre.

Tu voys que par cest element, ie ne tiens conte de la premiere espece que i’ay : non que i’aye toutesfois autre couleur, ou attoucement, ou limitation qu’au paravant. Car ie suis maintenant reculé de toutes ces choses. Tu me voyes de present des yeux corporelz mon filz, mais quand tu es ententif de corps et d’aspect à ce que tu medites, tu ne voys pas lors de telz y-eux, ains des ineternelz.

TAT : Vous me provoquez à grande fureur, mon pere : de maniere que maintenant ie ne me voy aucunement, ny ne sçay quel homme ie suis.

TRISMEGISTE : A’ ma volonté mon trescher filz qu’en dormant tu fusses semblablement ravy et transporté de ton esprit, comme ceux qui en leur sommeil sont occupez de visions.

TAT : Or sus dites moy qui sera l’autheur de ceste regeneration.

TRISMISTE : Sera le filz de Dieu fait homme, par la volonté d’un seul Dieu.

TAT : Or m’a vous maintenant rendu muet mon pere, et si fort estonné, que ie ne sens point que ie fais : mais estant totallement esperdue de l’estat premier de mon entendemêt ie voy une mesme grandeur avec un charactere, et en