Livre d’Hermès : l’intelligence du sens humain.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’intelligence du sens humain.

Traduction par Cristale :

L’intelligence du sens humain.

corruption, et eternel, et tout ce que l’on pourroit plus excellentement dire, ou penser.

C’est pareillement une eternité, consistant en la volonté du hault et souverain Dieu, tres plein, tres parfaict et accomply en toutes choses sensibles, et de toute discipline, consistant (par maniere de dire) en Dieu.

Quant au sens du monde, il est receptacle de toutes choses sensibles, especes, et disciplines. Mais l’humain, consiste en la force retentive de la memoire, pour autant que l’homme a souvenance, de tout ce qu’il a faict. Car celuy de Dieu, s’abessant de sa hautesse et maiesté, parvient iusques à cest animal seulemêt qui est l’homme, et se mesle avecques luy sur toutes autres creatures. Car Dieu aussi n’a voulu, que ce souverain sens de divinité fust meslé avecques toutes choses qu’il a crées, de peur que il ne dedaignast la mixtion avecques tous autres animaulx.

L’intelligence doncques du sens humain, de quelle qualité ou quantité qu’elle soit gist totallement en la memoire et recordation du passé. De maniere que l’homme au moyen de ceste vertu retentive de memoire, à esté faict et ordonné gouverneur sur toute la terre. Or quant à l’intelligêce de la nature, qualité et sens du monde, elle se peult evidemment apercevoir par tout ce qui est sensible en iceluy. Le sens aussi qui a esté donné à eternité (laquelle est seconde apres Dieu) et sa qualité mesme, se