Livre d’Hermès : l’intelligence de Dieu.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’Intelligence de Dieu.

Traduction par Cristale :

L’intelligence de Dieu.

cognoist par le monde sensible. Mais l’intelligence de la qualité, et la qualité mesme du sens du souverain Dieu de nature, est la seule verité. De laquelle verité, on n’en cognoist rien en ce monde, ny l’ombre mesme, de la derniere ligne, qu’elle ayt. Car ou l’on en pense bien co-cognoistre quelque chose, par le compassement des temps, c’est adonc ou gist tout mensonge.

Et ou il y a generation, la voit on tout erreur, tromperie, deception, et forvoyement d’esprit avoir lieu. Voy doncques Asclepe, de quoy nous nous osons entremettre de traiter. Parquoy, mô souverain Dieu, ie te rends graces, de ce qu’il t’a pleu m’illuminer de ta clerté et lumiere, à fin de pouvoir voir et entendre ta divinité, maiesté, et hautesse. Au reste, ie vous supplie affectueusement vous Tatius, Asclepe, et Ammond de tenir secret et cacher dedans le profond de vostre cueur, ces divins mysteres, que ie vous declare.

Il fault aussi que vous entendiez qu’il y a entre sens et intelligence telle difference, que nostre intelligence previent l’intention de l’entendement, pour entendre et cognoistre la qualité du sens du monde. Mais l’intelligence du monde, vient iusques à avoir la cognoissance d’eternité et des dieux quis son sur luy. Et ainsi advient qu’entre nous hommes voyons ce qui est au ciel (entant qu’il nous est loysible et permis, par la condition et nature du sens humain) quasi