Livre d’Hermès : l’inspiration divine pour appréhender la Vérité

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’inspiration divine pour appréhender la Vérité.

Traduction par Cristale :

L’inspiration divine pour appréhender la Vérité.

toutes ces choses icy. Car ilz participent du feu, de la terre, de l’air, et de l’eau. Et si ne sont toutesfois ny feu, ny terre, ny air, ny eau, ny autre chose qui soit vraye. Parquoy si nostre constitution des son commencement mesme n’a compris ls verité, comment se pourra il faire, que nous puissions, ou veoir ou parler au vray de la verité ? Dont fault conclure Tatius, que tout ce qui est sur terre, n’est point verité, mais sont seulement imitations et approchemês de ce qui est vray : et ny mesme encore toutes ces choses, dôt nous parlôs, ains seulement quelques unes d’entre elles.

Quant à toutes autres choses mon filz Tatius, elles ne sont que mensonge et erreur, fantasies, et opinions, non plus ne moins, que quelques simulachres et illusions. Mais quand l’influxion tombe d’en hault en la fantasie, lors se fait une imitatiô de verité : au contraire sans l’efficace supernelle, il ne demeure en elle que mensonge.

Tout ainsi que nous voyons que une image monstre bien certes le corps de la peincture, encore que elle ne soit le corps tel que l’imagination de la peincture le represente. Et bien qu’il semble qu’elle ayt des yeux et des oreilles, si est ce neantmoins qu’elle ne voir, ny n’oit aucunement. Et ainsi de toutes autres choses representées par la peincture, lesquelles toutesfois sont toutes faulses, et deçoivent la veuë de ceux qui les