Livre d’Hermès : l’homme de double nature.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’homme de double nature.

Traduction par Cristale :

L’homme de double nature.

A cause que etous n’obtiennent pas la vraye et parfaicte intelligence des choses : mais ne suyvent seulement que son image, avecques une temeraire et oultrecuydée impetuosité, sans avoir esgard à la vraye raison, tellement qu’ilz sont totallement abusez. Laquelle image n’engendre es cueurs des hommes autre chose que malice, en transformant ce bon et excellent animal, en nature des bestes sauvages.

Quant au sens et toutes choses sensuelles, ie vous en donneray l’entiere raison, quand ie viendray à parler de l’esprit. L’homme donques seul entre tous animaux est double, duquel l’une partie est simple, que nous appellons communément forme de divine semblance. Et l’autre que nous nommons mondaine, est en quatre divisée, dont est faict et proportionné le corps, par lequel est environné et de toues parts couvert ce qui est en l’homme divin (dont avons traicté au dessus) à fin que ceste divinité d’entendement, se repose avecques ses cousins et alliez, c’est-à-dire, avecques les sens de pure et nette pensée, comme close et remparée, du meur de ce corps.

L’argument du quatrisme chapitre.

Il discute