Livre d’Hermès : l’excellence de l’homme.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et et l’excellence de l’homme.

Traduction par Cristale :

L’excellence de l’homme.

Soing, et esperance d’immortalité. Lequel finablemêt a fait et crée bon, tant du costé de l’une, que de l’autre nature, sçavoir est divine et mortelle, à celle fin, qu’il fust tant d’une que d’autre part immortel, et fust par ce moyen de meilleure, et plus excellente nature, que tous les dieux, qui sont seulement formez de nature immortelle, et finablement que toutes choses mortelles.

Dont vient que l’homme ayant avecques les dieux, alliance, et affinité, leur porte honneur et reverence, par le soing qu’il a de leur obeyr, et par l’integrité de son entendement. Les dieux aussi de leur costé par soigneuse affection, ont esgard sur les choses humaines, et les sauluent, et gardent. Ce que certes fault entendre estre dict de peu de gens, à sçavoir de ceux qui ont devot et sainct entendement.

Car quant aux vicieux, n’en fault iamais parler, pour le merite de nostre tant sainct et divin propos, de peur qu’il ne soit violé, par l’esgard et intendence, qu’on pourroit avoir en eux.

L’arguemnt du neusiesme chapitre.

Tout ce neusiesme est entierement prophane, qui faict qu’à bon droict le reprend sainct Augustin, au 8. livre de la cité de Dieu, chap. 23. Il aprouve idolatrie, et l’exalte de grand’ louanges, en deplorant