Livre d’Hermès : l’espérance de l’homme.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’espérance de l’homme.

Traduction par Cristale :

L’espérance de l’homme.

se maintient en la craincte, obeïssance, et amour de dieu. Car Dieu lia continuëllemêt en sa garde telles gens, et les deffend de tous maulx inconveniens et oppressions quelconques. Au moyen que luy estât le pere et seigneur de toutes choses, et le seul tout, se manifeste à tous volontiers.

Non qu’il se donne à congnoistre, en quel lieu il reside, ou en quel il soit quant à sa qualité, ou combien il est grand quant à sa quantité, magnitude, excellence, et haultesse : ainçois esclercist, et illumine l’homme par la seule intelligence de son entendement, affin qu’il entende ce qui se peult congnoistre de luy. Lequel (toutes tenebres d’erreur premierement dechassées de l’ame, et la clerté de verité venüe en elle) se mesle avec le sens de son intelligence, laquelle est divine. Pour l’amour et merite de laquelle, l’homme delivré de la partie de nature, au moyen de laquelle est mortel, conçoit fiance, et prend appuy, sur la partie de future immortalité. Ce que certes est en quoy gist la difference et distinction des bons, et des mauvais.

Car chacû est clarifié et illuminé e Dieu, par la recôgnoissance, amour et obeïssance qu’il faict et doibt à Dieu, et à son prochain, quasi comme l’oeil apres avoir veu et contemplé la vraye raison de quelque chose. Et l’assurâce de sa foy, est d’autant plus excellente, et meilleure sur celle de tous autres hommes, que le Soleil