Livre d’Hermès : l’entendement du Monde

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’entendement du Monde.

Traduction par Cristale :

L’entendement du Monde.

la nature et proprieté de toutes choses, pour autant qu’il ottroit aux choses susdictes, ses gyrons et estandues tesfertiles, et tres aptes à concevoir.

Cela donc appartient du tout entierement à qualité, et à la matiere creable, ores qu’elle ne soit crée. Car tout ainsi qu’il y a qualité foeconde en la nature de la matiere, aussi est elle mesme foeconde de malignité.

En quoy ie ne veulx dire ne maintenir, o Asclepe et Ammon, ce que dient plusieurs, demandans temeraierement, si Dieu ne pouvoit tollir, ou divertir malice de la nature des choses : auxquelz certes ne fault faire aucune response. Ce que nonobstât pour l’amour de vous ne desisteray à poursuyvre, et en rendray raison. Ilz disent donc, que Dieu debvoit totallement delivrer le môde de malice. Car elle est au monde en telle sorte plantée (disent ilz) qu’il semble qu’elle soit en luy comme l’un de ses membres, bien et dument pourveu et ordonné par le treshault et trespuissant Dieu, lors qu’il luy à pleu doter les entendemens humains de sicnece, sens, et intellignece.

Auxquelz soit faict responce, que par le moyê de ces troys, par lesquelles nous excellons tous autres animaux, nous est donné de Dieu par-dessus eux, le povoir d’eviter les fraudes, dolz, et vices de malice. Qui faict que par cela nous congnoissions communément celuy la estre muny de prudence et intelligence divine,