Livre d’Hermès : l’assemblée des démons.

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’assemblée des démons.

Traduction par Cristale :

Hermès et l’assemblée des démons.

et de choses omniformes : aussi le Soleil embrassant toutes choses qui sont au monde, leur engendre la masse, et infuse la force et vigueur d’engendrer toutes choses, et à celles qui sont lasses et qui defaillent, li leur preste son ayde. Soubz luy est constituée l’assemblée, ou pour mieux dire, les assemblée des Demons.

Car ilz sont en grand et divers nombre colloquez d’ordre au dessoubz des estoilles, en pateille quantité qu’elles. Qui faict qu’estans en ceste ordonnance composez, obeissent à une chacune estoille, garnys de bonnes et mauvaises natures, c’est-à-dire, actions. Car l’essence du Demon, n’est qu’action. Mais fault entendre, qu’entr’eux y en a aucuns têperez de bien et de mal. Ceux-cy ont la puissance des choses terriennes, et de tous troubles qui s’esmouvent en terre, et excitent diverses perturbations es Citez et nations, et en particulier les uns contre les autres.

Car ilz contrefont et attirent à eux noz meurs et volontez, iusques à resider mesme en noz nerfz, moëlles, venes, arteres, cerveau : et mesme venans iusques aux intestins. Car des l’instant de nostre naissance, et que l’ame est infuse au corps, les Demons prennent la charge d’un chascun de nous, ayans cest honneur d’avoir l’administration de nostre origine et nativité, et mesme ceux qui ont esté deputez à une chacune estoille.

Car iceux sont