Livre d’Hermès : l’argument du quatrième chapitre

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’argument du quatrième chapitre.

Traduction par Cristale :

L’argument du quatrième chapitre.

en ce chapitre, et cherche la raison, pourquoy Dieu a mis l’homme au môde, et non plus tost en la region des choses intelligibles.

Pourquoy semblablement il l’a composé de double nature, l’une mortelle, et l’autre immortelle, et a caché la forme de sa divine similitude (c’est-à-dire l’ame qu’il a faicte et crée à son image et semblance) soubz ceste mondaine et corporelle couverture. Il dit en apres que la volonté de Dieu, est la souveraine perfection de toutes choses, lequelle necessité ensuyt, et puis apres l’effect et execution de ceste necessité, au moyen que Dieu, en un et mesme article de temps, acomplist son vouloir et l’effect d’iceluy.

Ce qu’il appelle en ce lieu, et au sixiesme chapitre, le second monde Dieu, est autant à dire comme si tu apellois le nombre de deux seconde unité. Car tout ainsi que l’unité, n’est parfaictement et absolument qu’une, et le nombre de deux, n’est pas parfaictement et entierement un, mais seulement par participation et retraction ou recission n’est qu’un, et secôd un : aussi pareillement un seul Dieu, n’est parfaictement qu’un, mais le monde est Dieu seulement par participation, à cause de son immortalité, ensemble la tres illustre et belle marque, et enseigne de toutes choses sensibles.

Chapitre IIII.