Livre d’Hermès : l’alliance entre Dieux et les hommes.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’alliance entre Dieu et les hommes.

Traduction par Cristale :

L’alliance entre Dieux et les hommes.

s’accorde en ce present chapitre, et au xiii. à sainct Augustin. Qui ne scache aussi que les prophetes des Gentilz, comme Balaam, et les sybilles, ne soient de telle sorte qu’ilz souffent parfoys lumiere et tenebres, lumineux et ombrageux intervalles de leurs devination : par foys disans verité, par autre mensonge. Voylà le sommaire.

Chapitre IX.

Mais pour raison que nous sommes sur le propos de l’alliance, laquelle est entre les Dieux et les homms, i’ay bien voulu un peu m’y arrester, à fin de to dôner à cognoistre, o Asclepe, quelle est la puissance et vertu des hommes. Premierement tu dois sçavoir, que tout ainsi que le seigneur, et pere, ou (qui est le plus hault) Dieu, est le facteur des celestes Dieux, que l’homme aussi est celuy, de ceux qui sont es temples, se contentans de l’affinité et proximité humaine. Ausquelz certes non seulement est donné clarté et lumiere, mais aussi la donnent aux autres.

Ce que non seulement sert à l’hôme, mais aussi conferme les Dieux. Tu t’esmerveilles Asclepe ? Quoy ? Te deffies-tu de cecey, comme font plusieurs mescreans ?

ASCLEPIUS Au vray dire, ie m’estonne,