Livre d’Hermès : l’Homme Sage

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’Homme Sage.

Traduction par Cristale :

L’Homme Sage.

qui en elle est expert, est coustumieremêt bon, pitoyable, et divin, aymant et craignant Dieu, comme il appartient.

TAT : Qui est celuy, qui peut estre tel, mon pere ?

TRIMEGISTE : Celuy qui parle peu, et qui en deux parolles entend et oyt ce qui se doit ouyr et respondre, et l’examinie en secret. Car Dieu, pere, et bien, ne se prononce de langue, ny ne s’entend d’oreilles, sinon spirituelles. Veu donc et atendu que tout cecy, ainsi se côporte es choses lesquelles sont, et se disent de luy, il faut dire qu’elles sont ses sens, à l’ocasion qu’elles ne peuvent estre de luy separées. Or y a il grande difference entre le sens et la cognoissance.

Car le sens, est un mouvement de la chose superieure : mais cognoissance est la fin et le but de sciênce, Laquelle science est don de Dieu, à cause que chasque science use d’entendement incorporel, comme de son instrument et organe, et l’entendement use du corps. Qui faict que l’un et l’autre ayent leur resource es corps tant intelligibles, que materielz. Car il est de necessité qeu toutes choses consistent d’opposition, et contrarieté, et est impossible qu’il se puisse autrement faire.

TAT : Qui est doncques ce Dieu materiel ?

TRISMEGISTE : C’est le monde, lequel certes est beau, non pas toutesfois bon au moyen qu’il consiste de la matiere, et qu’il est soubmis à passion. Ioinct qu’il est le premier de tout ce qui souffre, et le second de tout ce qui