Livre d’Hermès : il y a une partie des astres intelligible

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et la partie des astres intelligible.

Traduction par Cristale :

Il y a une partie des astres intelligible.

ASCLEPIUS : Qui sont ceux que tu dis estre chefz, de toutes choses, ou commencemens des commencemens, Trismegiste ?

TRISMEGISTE : Ie te descouvre, et donne à entendre de haultz mysteres, o Asclepe, lesquelz avant que commencer à declarer, et pour bien les poursuyvre, nous demanderons la grace et faveur celeste. Il fault premierement sçavoir, qu’il y a plusieurs sortes de dieux, desquelz l’une partie est inteligible, et l’autre sensible.

Celle qui est intelligible est ainsi appellée, non qu’il ne faille estimer, qu’ilz ne soient soubmis à noz sens (car de faict nous les sentons beaucoup plus que ceulx que nous appellons visibles) ainsi que pourrons aisément voir, et cognoistre par la presente dispute, se nous y voulons entendre.

Car la raison et cognoissance de ce, est fort haulte, et plus divine qeu les entendemens et intention des hommes, ne peuvent comprendre. En manière que si tu ne reçoys les parolles de ceulx qui parlent, avecques un ardent et ententif plaisir d’oreille, elle ne fera aucun seiour en toy, mais oultre passera, comme faict l’eau dedans quelque vaisseau percé : ou bien recoulera es liqueurs de sa primitive fontaine.

Or est il doncques à sçavoir