Livre d’Hermès : déduction pour prouver qu’il n’y a qu’un Dieu

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et déduction pour prouver qu’il n’y a qu’un Dieu.

Traduction par Cristale :

Déduction pour prouver qu’il n’y a qu’un Dieu.

dextre [1] ne sont iamais meuës vers le senestre [2], ny celle du senestre vers le dextre. Semblablement ne celles qui sont en hault vers le bas, ne celles qui sont basses vers le hault. Or que toutes telles choses soient engêdrées, mon doux amy Mercure, il n’est besoing, que tu le sçaches par moy, pour autant que facilement tu les voys avoir corps et ame, et mouvement.

Mais trop bien dois entendre estre impossible qu’elles puissent s’acorder ensemble, sans la force et vertu de quelque moyenneur. Il fault doncq’ de necessité, qu’il y ait aucun tel, et qu’il soit totallement seul. Car veu qu’il y a en toutes ces choses plusieurs et diverses motions, et que leurs corps soient differens et contraires les uns aux autres, et qu’il y a en toues un seul ordre de soudaineté, il est impossible qu’il y puisse avoir deux ou plusieurs facteurs.

Car un ordre ne se pourroit garder ne maintenir, en plusieurs facteurs. Tellement que celuy qui entre eux serait le plus imbecille, aurait ennuye sur le plus fort, dont sourderoit une sedition. Celuy donques d’eux deux, qui auroit crée les choses muables et mortelles. D’avantage atendu qu’il n’est qu’une ame, et qu’une matiere dôt toutes choses prennent leur origine, à qui d’entre