Livre d’Hermès : connaître l’ordre de toutes choses

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et connaître l’ordre de toutes choses.

Traduction par Cristale :

Connaître l’ordre de toutes choses.

L’ordre du monde, est changement de temps. Celuy de generation, est la mort et la vie. L’acte de Dieu, est l’entendement, et l’ame eternité, perseverance, et immortalité. Le cours du monde, est l’acroissement et diminution du temps, avecques la qualité de generation.

Eternité doncques gist en Dieu, en eternité le monde, dedans le monde le temps, dedans le temps generation. Eternité est à l’entour de Dieu, le monde se meult en ceste eternité, le temps prêd fin au monde, generation se faict dedans le têps.

Dieu Doncques est la source de toutes choses. L’essence duquel est eternité : la matiere d’eternité, est le monde : la puissance de Dieu, est eternité : l’oeuvre d’eternité, est le monde. Lequel fut qu’il n’estoit point, estant tousiours neant-moins en Dieu, comme s’il eus testé faict avant tout aage. Et attendu que l’aage ne peult cesser, aussi pareillement le monde iamias ne cessera. Lequel pour ce qu’il est compris d’eternité, iamais aucune partie de luy ne pourra perir.

TRISMEGISTE : Mais qu’est ce que la sapience de Dieu ?

LA PENSEE : C’est bonté, beaulté, beatitude, toute vertu, et aage. Lequel aage donne immortalité, en donnant semblablemêt perseverance à la matière. Car l’origine de la matière depend de l’aage, ainsi que l’aage de Dieu. Generation et le temps sont de double nature, tant au ciel, comme en terre. Au ciel premierement