Livre d’Hermès : ce qui reçoit changement n’est que mensonge

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et ce qui reçoit changement n’est que mensonge.

Traduction par Cristale :

Ce qui reçoit changement n’est que mensonge.

autes la tres parfaite et accomplie, et le souverain bien mesmement, n’estant ny troublé par la matiere, ny environné de corps : estant une chose nuë, reluysante, immuable, authentique, sans alteration te vicissitude, bref le supreme bien.

Au contraire les choses qui sont icy mon filz, ce peult il faire qu’on les voye garnyes d’un si grand bien : attendu qu’elles sont corruptibles, passibles, dissolubles, et lesquelles s’alterent incessamment, et se convertissent les unes aux autres ? Et par ainsi les choses, qui d’elles mesmes, ne sont vrayes, comment pourroient elles simplement estre vrayes ? Car tout ce qui reçoit changement et alteration, n’est que mensonge, ne s’arrestant point en ce dont il resorts : ains nous representant par son chagment et mutation plusieurs fantasies devant les yeux, les unes d’une sorte, les autres d’autre.

TAT : Comment, mon pere, ny a il rien qui soit vray, ny l’homme mesme ?

MERCURE : En tant qu’il est homme, il n’est pas vray, mon filz. Car il fault que tu entendes, qu’il ny a que cela vray qui de soy seul, et par soy seul a, et demeure en sa qualité. Mais l’homme, consiste de plusieurs choses, et ne demeure pas par soy mesme, ains se change d’un aage en autre, d’une forme en autre, et ce encore residant en ce corps. De là vient que plusieurs n’ont cogneu quelque peu de têps apres, leurs propres enfans, ny