Livre d’Hermès : ce que c’est que la volonté de Dieu

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès qu’est-ce que la volonté de Dieu.

Traduction par Cristale :

Ce que c’est que la volonté de Dieu.

dire, que toutes choses soient son nom ou le nommer des noms de toutes choses.

Luy doncques seul comme toutes choses, estant plantureusement plein de fecondité des deux sexes, et gros de sa volonté, enfante tout ce, à qui luy plaist donner production et naissance. Laquelle volonté, n’est autre chose qu’une souveraine bonté, sur toutes choses diffuse et espandue. De la divinité de laquelle est née nature, à fin que toutes choses fussent ainsi qu’elles sont, et on esté, et seront à l’advenir, et que la dicte nature fust suffisante à tout ce qui d’elle prend sa naissance. Voylà doncques la raison renduë, o Asclepe, pourquoy, et comment sont faictes toutes choses, ayans participation de deux sexes.

ASCLEPIUS : Vous dictes doncques par ce moyen, que Dieu est de double sexe, o Trismegiste.

TRISMEGISTE : Non Dieu seulement, o Asclepe, mais aussi tout ce qui possede nature animée, ou inanimée. Car il est impossible que quelque chose de ce qui a estre, puisse estre infertile. Au moyen que fertilité tolluë d’iceluy, il seroit impossible qu’il peust tousiours estre. Or quant à moy i’ose dire et maintenr, que nature, le sens, et le monde contiennent en soy telle proprieté et efficace, et que pareillement la retient tout ce qui est en ce monde crée. Car l’un et l’autre sexe est plein d’engendrement : ayans une connection et lyaison entre eux deux,