Livre d’Hermès : arguement du sixième chapitre

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’argument du sixième chapitre.

Traduction par Cristale :

Arguement du sixième chapitre.

qui sont gens de bien, sainctz d’esprit et d’entendement. Ie feray doncques icy le commencement.

L’argument du sixiesme chapitre.

Le sixiesme declare que le Dieu de nature est parfaictement le premier et eternel Dieu, le monde le second, non toutesfois absolument, ains par participation seulement du premier, pource qu’il est sa premiere image. Et l’homme le tiers par participation pareillement de divinité, comme la secôde image du hault et parfaict Dieu. Lequel ne reçoit iamge ou figure aucune, ains est l’entiere et pure verité de toutes imags.

Il monstre en apres comme l’homme peult monter lassus au ciel, comme consistant des elemens superieurs, à scavoir de l’ame, du sens, de l’esprit, de raison. Mais du costé qu’il est composé des inferieurs, c’est-à-dire, du feu, de l’air, de l’eau, et de la terre, qu’il est à la mort asservy : qui faict qu’estât esseuré sur la divine partie de laquelle il consiste, il delaisse par la mort toutes choses de ce monde desertes, et destituées de sa presence.

D’avantage il dit que religion (c’est-à-dire, le soing et cure qu’on a d’obeyr à Dieu, avecques bonne conscience, et fidelité) est la mesure, à la forme de laquelle doibt l’homme se reduyre, et vivre en ce monde, qu’en suyt bonté. Laquelle bonté semble lors estre parfaicte et consommée, quand estant munie