Livre d’Hermès : Que Dieu est ineffable et innommable.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et que Dieu est ineffable et innommable.

Traduction par Cristale :

Que Dieu est ineffable et innommable.

Ou qu’il soit encore, de quelque autre non plus sainctement et religieusement apellé des hommes, lequel nom, à cause de nostre intelligence puisse estre entre nous tenu cher et sacré, si est ce neantmoins, qu’en ayant esgard à sa haute maiesté et puissance, nous ne sçaurions par aucun de ces noms, assez expressement et precisement le nommer.

Car si ainsi est que ceste voix, n’est autre chose qu’un son provenant de la repercution de l’air, declarant l’entiere volonté de l’homme, et l’apprehension qu’il a d’aventure apperceuë en son entendement, par le moyen des sens(duquel nom la parfaicte substance est composée, exprimée, et limitée de peu de syllabes, à fin qu’il y ayt en l’homme communauté et accointance necessaire tant de voix, comme d’oreille, ensemble du sens, de l’esprit, de l’aire, et de tout ce qui en eux consiste, et se faict par eux) est-ce à dire pourtant, que le nom et appellation de Dieu, gise totalement en ces choses ? Non asseurement.

Car ie ne pense pas que le facteur de toutes choses, et accomplisseur de toute maiesté, estant le père et seigneur de tout ce qui est faict, et se fera, se puisse exprimer nomméement de bouche humaine d’un nom, et fust il ores composé de plusieurs. Si est il neantmoins de necessité, qu’il soit nommé d’un nom, ou plus tost de tous nôs, au moyen qu’il n’est qu’un seul, et si est tour. Ou bien

Suite de la version de 1557 du : Corpus Hermeticum