Livre d’Hermès : Les titres du Monde

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et les titres du Monde.

Traduction par Cristale :

Les titres du Monde.

l’on peut evidemment apercevoir) sera en dangier : et pource qu’il sera ennuyeux aux hommes, l’on n’en tiendra conte nullement.

Ny pareillement sera ce monde, duquel traicterons, aymé, qui est l’ oeuvre immuable de Dieu, son bastiment plein de gloire, et digne de toute loüange, le bien composé de diverses sortes d’images, l’instrument de la volonté divine, en son oeuvre sans nulle enuye prestant faveur et ayde à toutes choses ensemblément, lesquelles peuvent estre reverées, louées, et aymées de ceux qui les contemplent : finablement l’amas de diverses formes. Car aussi les tenebres seront preposées à la lumiere, et la mort sera en plus grâd pris et recommendation, que la vie.

Nul eslevera les yeux au ciel : mais celuy qui servira à Dieu de tout son pouvoir, sera reputé comme homme insensé : et celuy au contraire qui n’aymera, ny ne craindra Dieu, sera estimé sage et prudêt, le furieux fort, l’inique homme de bien. Car l’ame avecques ce qui est au tour d’elle, au moyen dequoy est née immortelle, et a confiance et espoir de pouvoir à quelquefois obtenir l’immortelle et perdurable vie, non seulement sera estimée mocquerie, mais aussi vanité et mensonge.

Croyez d’avantage, qu’il sera pareillement constitué un peril portant peine de mort, ou pour le moins d’infamie, à celuy, qui s’adonnera à servir Dieu de tout son cueur et