Livre d’Hermès : Le commencement de tout idolâtrie.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et le commencement de tout idolâtrie.

Traduction par Cristale :

Le commencement de tout idolâtrie.

Chantz, et accordz, dont ilz souloient ( ?) capter la faveur des malings espritz, qui estoient dedans ces idoles, statues, et images, Ce que en encores quelque Phitonistes (o siecle maheureux) ont accoustumé faire, lesquelz pensent avoir des espritz familiers enclos dedans des anneaux, ou autres veisseaux. Qui est une maniere de gens, tres impudentz, meschantz, niniques et ennemys de Dieu et des hommes. Contre lequel malheureux erreur d’infidelité, escrit à bon droict sainct Augustin, en son livre de la cité de Dieu, et les convaincq’ de droicte verité et comme gens detestables, pleins d’horreur et abomination, les reiette.

Chapitre XIII

Retournons encores, à parler de l’homme, et de raison dont il participe, qui est un don divin, au moyen duquel est apellé sur toutes autres creatures, le raisonnable animal. Or combien que ce que avons dit de luy au dessus soit admirable, si ne l’est il point tant en cela, que en ce qu’il a trouvé, et inventé nature divine, et le moyen de la mettre en oeuvre. Car en cela, il surmonte l’admiration, et merveille, de toutes choses admirables. Attendu doncques que noz ancestres erroient grandement, en la foy d’un Dieu,