Livre d’Hermès : L’entendement et l’âme

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’entendement et l’âme.

Traduction par Cristale :

L’entendement et l’âme.

par tout çà et là, en delaissant l’ame à son iuste et merité supplice.

TAT : Comment dites vous cela mon pere ?

TRISMEGISTE : Pour autant, mon filz, que l’entendement se separe de l’ame, et l’ame de l’esprit, le vestement duquel entêdement est l’ame, et celuy de l’ame est l’esprit. Il fault, mon filz, que l’auditeur s’acorde avecques celuy qui parle. Parquoy entends que l’enveloppement de ces vestemens, se fait au-dedans du corps humain. Car de mettre un entendement tout nud en une masse de terre, est chose totalement impossible. Au moyen que l’ordure et infection terrienne, ne peult recevoir une chose si divine, ny soustenir une telle maiesté, comme est l’entendement, mise en un corps passible, et la conformer à luy.

L’entendement, doncques s’est accompaigné de l’ame, et s’en est revestu comme d’un vestemêt. L’ame pareillement qui est divine, use de l’ayde de l’esprit, lequel est diffus par tout l’homme entierement. Incontinent doncques que l’entendement est delivre de ce corps terrien, il prend incôtinent son propre vestement, c’est à sçavoir un corps de feu, duquel pendant qu’il en est revestu, ne se peult mettre en un corps terrestre, pour autant que la terre ne peult ce feu soubstenir ne porter. Car elle feroit tantost arse [1] par la moindre