Livre d’Hermès : Fatale destinée et nécessité

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et fatale destinée et nécessité.

Traduction par Cristale :

Fatale destinée et nécessité.

choses, ou bien le souverain Dieu, ou celuy qui a esté de luy faict second Dieu, c’est-à-dire le monde, ou certes la prescience de toutes choses tant celestes que terriennes, arrestée et confermée par les divines loix. Ceste fatelle destinée doncques, est avecques necessité conioincte, d’une conionction et lyaison inseparable. Dont la premiere à sçavoir destinée fatalle, engendre les commencemens de toutes choses, lesquelles puis apres necessité contrainct venir à l’effect et yssuë de ce qui est ordonné par ceste fatallité. Lesquelles deux, ordre ensuyt, c’est-à-dire, le contexte et prefinition du temps des choses lesquelles se doivent parfaire et accomplyr.

Car il n’y a rien sans composition de quelque ordre : qui faict que le monde soit parfaict et consommé en toutes ces choses. Au moyen qu’il est porté par ordre, ou qu’il consiste d’ordre en tout et par tout entierement.

Ces troys cy doncques à sçavoir destinée fatalle, necessité, et ordre, sont faictes, et se font principallement par le vouloir et permission de celuy qui gouverne tout le monde par sa loy et raison divine. Tout vouloir doncques par ce moyen et repugnâce, est detournée divinement de ces troys. Car iamais ilz ne s’esmouvent ny d’ire, ny de courroux, ne pareillement sont flechiz à grace ou à faveur : ains tout leur faict, est d’obeyr à la necessité de la raison eternelle. Laquelle