Livre d’Hermès : Dieu n’a aucune carence

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et Dieu n’a aucune carence.

Traduction par Cristale :

Dieu n’a aucune carence.

la vie, l’ame, immortalité, et changement du temps ?

Car toy mesme te peux tant et si grâdes choses faire, tu voys, tu oys, tu sens, tu goustes, tu touches, tu parles, tu marches, tu aspires, tu entends, sans qu’il y ait autre en toy qui face toutes ces choses que toy mesme. Entre tous animaux pareillement tu n’en trouveras un seul qui seulement parle, l’autre seulement qui marche, l’autre qui sent, l’autre qui ait le goust, l’autre qui aspire, l’autre qui entende seulement : mais un seul fait tout cecy. Lesquelles toutes choses, est impossible de pouvoir faire sans l’opertation de divine nature.

Car tout ainsi que celuy qui desiste à les faire, n’est plus animal, aucas pareil celuy qui cesseroit à faire la vie, immortalité, et changement du temps, desisteroit d’estre Dieu. Ce que certes souspeçonner, seroit par trop illicite et meschant.

Si doncques ainsi est, qu’il n’est rien en toute chose naturelle en quoy ny ayt quelque vigueur naturelle d’oeuvrer, avecques une execution d’un certain oeuvre, à plus forte raison convient il dire et maintenir ne pouvoir en Dieu eschoir carence aucune de l’effect et puissance de toues choses. Car toues choses oysives, sont imparfaites.

Or de dire que Dieu fust imparfait, ce seroit trop irreveremment parler. Il se fault doncques en ce lieu arrester, et conclure, que Dieu fait toutes choses.

Arrestons nous icy un peu Mercure, et