Livre d’Hermès : Dieu immobile, immuable.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et Dieu immobile, immuable.

Traduction par Cristale :

Dieu immobile, immuable.

L’argument de l’unziesme chapitre.

L’unziesme dit, qu’il n’y a que Dieu seul, qui soit immobile, que toues autres choses sont muables, et subiettes à corruption : mais quant à luy qu’il est infiny, incomprehensible, inéstimable, et incogneu quant à son essence. Il traicte pareillement de l’incorruptible, inviolable, et sempiternel sens de Dieu, de celuy du monde et de l’homme, et finablement de la difference qu’il y a entre le sens et intelligence.

Chpitre XI

Toutes ces choses doncques estant telles, convient dire et conclure, qu’il n’y a rien stable, aresté, ny immobile, tant en ce qui prend naissance en ce monde, que en toutes autres choses celestes, et terriennes. Car Dieu seul, et iustement seul, est totallement plein et parfaict en soy, de soy, et à l’entour de soy. Et de luy mesme proviêt sa ferme stabilité, sans pourvoir estre meu de son lieu, par impulsion et contrincte d’autruy, atendu qu’en luy seul sont toutes choses, et qu’il est luy seul en toutes.

Si quelqu’un ne vousist dire, sa motion estre en eternité. Mais plustost doit on dire, ceste eternité estre immobile,