Livre d’Hermès : Ce qui est permanent est vrai.

Corpus Hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et ce qui est permanent est vrai.

Traduction par Cristale :

Ce qui est permanent est vrai.

les enfans leurs parents. Cela donc qui se change en telle sorte, qu’il ne se cognoist plus, peut il estre vray Tatius ? Et au contraire ne doibt il pas plustost estre appellé mensonge, veu qu’il verse et gist en diverses fantasies de châgemens ? Parquoy estimes cela seul estre vray, qui à tousiours mais est permanent, et iuste. Ce que l’hôme n’est tousiours, dont viêt qu’il n’est pas vray : ains plustost est quelque imagination, estant par ce point le souverain mensonge.

TATIUS : Voudriez vous doncques colclure par cela, mon pere, que les corps eternelz ne fussent vrays, à l’occasion qu’ilz sont muables ?

MERCURE : Certainement toutes chose engendrée et muable, n’est pas la vraye : et combien que les corps eternelz faitz et crées par le premier pere detoutes choses, puissent bien avoir receu de luy une vraye matiere, si est ce qu’ilz contiennent en eux mesmes quelque chose de mensonge, à cause de leur mutation. Car en toutes choses qui puissent estre, il ny a rien vray, si en soymesme n’est permanent.

TAT : Si tout ce que vous dites est vray, mon pere, aussi ne sera ce pas mal dit, si le Soleil, qui sur toutes choses du monde ne se change, ains demeure en luy mesme, est appellé verité.

MERCURE Ce n’est que bien dit Tatius, d’autant que l’operation de tout ce qui est au monde, luy a esté de Dieu commise commandant à toutes choses, et les faisant toutes lequel aussiie honore, et en adore la verité, et recognois seul maistre et operateur de tout ce qui se fait au monde, apres le seul premier, qui est Dieu.