Livre d’Hermès : Argument du treizième chapitre.

Corpus hermeticum de 1557

Livre d’Hermès Trismégiste, le Corpus Hermeticum, version XVIème siècle : Hermès et l’argument du treizième chapitre.

Traduction par Cristale :

Argument du treizième chapitre.

elles faict variable, et diverses qualitez, et quantitez, stations et discours en toutes sortes d’arbres, fleurs, odeurs, saveurs et menuz fruictz, comme lauriers, cormiers, allisiers, et semblables.

Le feu pareillement faict plusieurs et divers changemens. Car les images du Soleil et de la Lune se font en plusieurs sortes et manieres. Lesquelles aussi sont presque semblables à celles de noz mirouers, rendans telles semblances d’images, que la lueur du Soleil. Mais il sufist avoir iusques à present traité de telles choses.

L’argument du tresiesme chapitre.

Ce tresiesme est infectionné de pareille souilleure, que le neuviesme, auquel Mercure dit l’homme estre tres divin, et tres admirable, en ce qu’il a trouvé idolatrie, et inventé la maniere d’invoquer les diables, et les enfermer es statue et simulachres, et de leur faire sacrifices, et oblations. En quoy certes au contraire est l’homme meschant, et prophane, pour adorer les creatures.

Il mentionne aussi d’Esculape, du grand Mercure son oncle, D’isis et Osiris, lesquelz des Egyptiens estoient lors adorez : ensemble des bestes, qu’ilz appeloient divines, aux quelles aussi faisoient divins honneurs et reverences. Pareillement des herbes, pierres, odeurs,